Улуғбек ҳаёт бўлганда Ўзбекистон Ойга чиққан биринчи мамлакат бўларди!

Ўзбекистон 05 Декабрь 2016 23986
Фото: Kun.uz

Бугун, 5 декабрь куни матбуот марказида Буюк Британиянинг Консерватив партияси парламенти лорди Муҳаммад Илтаф Шайх Ўзбекистонда бўлиб ўтган Президентлик сайловларига ўз муносабатини билдирди. 

Лорд сайловга тайёргарлик ва унинг ўтказилиш жараёни, шунингдек Ўзбекистоннинг етакчи арбоблари ҳамда ўзбек халқи билан яқиндан танишганини таъкидлади. Сайловларнинг халқаро ва Ўзбекистон қонунчилигига мувофиқ ўтказилганлигини тасдиқлади. Шу билан бирга у деярли 90 фоиз аҳолининг сайловлардаги иштирокини жуда юқори баҳолади. 

Бундан ташқари, Муҳаммад Илтаф Шайх сайловчиларнинг ўз хоҳишларига кўра яхши кайфиятда ташриф буюриб, овоз бериш жараёнида қатнашганларини қайд этди. Буюк Британия Консерватив партияси парламенти лорди бу борада баъзи одамлар билан гаплашгани ҳамда уларга нима учун сайловга келганликлари ҳақида савол берганлигини айтди. Улар мамлакат келажагига бефарқ бўлмагани учун бу сайловларда овоз бериш имкониятидан фойдаланиб, ўз номзодини қўллаб-қувватлашга келганликларини эшитиб, бундан ижобий таассурот олганини таъкидлади. 

Муҳаммад Илтаф Шайх сайлов жараёнидаги ташкилотчиликнинг юқори савияда эканлигига урғу берди. Шунингдек у сайлов участкаларидаги қўшимча хоналарга алоҳида тўхталди. 

“Ҳеч ким эътибордан четда қолмаган – болалар, оналар, кексалар, ногиронлар – барчаси учун шароит яратилган. Мен буни бирор бошқа давлатда кўрмаганман”, - деди лорд. 

Бундан ташқари, у ўзбек халқининг Биринчи Президенти И.А.Каримовга бўлган меҳр-муҳаббатини ҳис қилганини айтиб ўтди. 

Муҳаммад Илтаф Шайх Ўзбекистоннинг ёш демократик давлат эканлигига урғу берди ва ҳар бир давлатнинг ўзига хос бўлган демократик йўлдан боришини таъкидлади. 

Лорднинг сўзларидан унинг ўзбек халқи тарихи, бой маданий меросига бефарқ эмаслигини англашингиз муқаррар. 

“Сиз – бой тарихга эга мамлакатсиз. Ал-Форобий, Амир Темур, Улуғбек, томиримда қони оқаётган Заҳириддин Муҳаммад Бобурдек улуғ алломалари бўлган юртнинг келажаги буюк бўлиши шубҳасиз”, - деди у. Шунингдек у Ўзбекистон дунёга Имом Бухорийдек буюк шахсни берганига тўхталди ҳамда бирор бир масалада ўйланиб қолганда унинг ҳадисларига мурожаат қилишини таъкидлади. Бундан ташқари, Амир Темур шахсига жуда қизиқишига алоҳида урғу берди. Буни у ерга ташриф буюриш сабабларидан бири деб ҳам атади. 

“Улуғбек ҳаёт бўлганда сизлар Ойга чиққан биринчи юрт вакиллари бўлган бўлардингиз”, - деди британиялик лорд.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 57732 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 33364 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 41103 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 5049 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 16859 Ўзбекистон
16 август куни Тошкентда юз берган йўл-транспорт ҳодисалари
11:50 3419 Жамият
Шавкат Мирзиёев Бекободга ташриф буюрди
Қўшимча-контракт асосида ўқишни истайдиганлар нима қилиши керак?
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 1086 Жамият
ОАВ: Россияда пластик пуллар пайдо бўлади
Кўпроқ янгиликлар