Американинг Coca-Cola компанияси Камбоджа пойтахти Пномпень шаҳрида 100 млн доллар капитал киритиладиган янги завод очади. Бундан мақсад Жануби-Шарқий Осиёдаги ишлаб чиқариш қувватини оширишдан иборат. Бу ҳақда Reuters хабар бермоқда.

Камбоджа бош вазири Хун Сеннинг маълум қилишича, завод шаҳар четидаги 12 га майдонда, махсус иқтисодий зонада барпо этилади. Бунинг натижасида 817та ишчи ўрин пайдо бўлади.

Хун Сеннинг қўшимча қилишича, Камбоджага кўпроқ фуқаросини ўқитиши учун инфратузилмалар ва арзон электр таъминоти керак бўлади.