«Манчестер Сити» бош мураббийи Хосеп Гвардиола Англия чемпионатининг «Челси»га қарши учрашувидан (1:3) кейин лондонликлар жамоаси яримҳимоячиси Сеск Фабрегас билан нега қўл бериб кўришмагани борасидаги саволга жавоб берди.

«Ечиниш хонасига кетишда Сеск билан салом-алик қилгандим. Ўйин тугагач, майдонга тушиб келганимда у нега яна мен билан саломлашмоқчи бўлганини тушунмадим», — дея Гвардиоладан иқтибос келтиради Daily Mail. 

Эслатиб ўтамиз, учрашув якунлангач, Гвардиола футболчиларига миннатдорчилик билдириш учун чиққан, йўл-йўлакай у билан сўрашмоқчи бўлган Фабрегасга эътибор қаратмасдан ўтиб кетганди.

Қайд этиш керакки, ўйин тугаши арафасида Давид Луизга нисбатан ишлатилган қўполлиги учун Серхио Агуэро четлатилган вазиятда Фабрегас Фернандиньонинг юзига уриб, унга провакация уюштирган ва рақибни қизил карточка олишга мажбурлаганди.

Видео: Гвардиола Фабрегасни кўришни истамади