Шанхай Ҳамкорлик Ташкилотининг юртимиздаги миссияси матбуот марказида бўлиб ўтган учрашувда Ўзбекистондаги президентлик сайловлари юксак савияда ўтгани, уларда демократик тамойилларга тўла амал қилинганини таъкидлаб ўтишди. Делегация таркибида Россия Федерацияси Давлат Думаси депутати, фигурали учиш бўйича уч карра олимпия чемпиони, ўн карра жаҳон чемпиони Ирина Роднина юртимиздаги сайловларга ўз муносабатини билдирди. 

Ирина Роднина Ўзбекистон Президенти сайловига кўрилган тайёргарликни "спорт тили билан айтганда 100 фоиз" дея баҳолади. Спорт устаси сайлов жараёнида уни аёл киши сифатида нималар тўлқинлантирганига тўхталиб ўтди. 

"Она ва бола ҳамда тиббий хизмат кўрсатиш хоналари, шунингдек барчага бўлган ижобий муносабат мени аёл киши сифатида жуда тўлқинлантирди. Очиғи, сайлов жараёнини кузатишдан улкан завқ олдим", - дейди Роднина.