Нидерландиянинг ABN Amro банки Лихтенштейндан бўлган LGT компаниясига хусусий мижозларга банк хизматини кўрсатиш бизнесини сотиб юбормоқчи. Унинг қиймати 20 миллиард доллар атрофида баҳоланган. Бу ҳақда ABN Amro баёнотида айтилди.

«Стратегиямизни қайта кўриб чиқиб, Европанинг шимоли-ғарбий қисмида хусусий мижозларга банк хизматларини кўрсатиш бўйича бизнесимизни янада мустаҳкамлашга бор эътиборни қаратишга қарор қилдик. Шу сабабдан, хусусий банк бизнесни сотишимиз – бу йўналишдаги табиий қадамдир», - маълум қилди ABN Amro бош директори Йерун Рийпекма.

Маълум бўлишича, келишув 2017 йилнинг иккинчи кварталида якунига етказилади.

Хабарларга кўра, LGT бошқарув компанияси келишув тугатилгач, активлар ҳажмини 40 миллиард долларга етказади.