Мали марказидаги Нионо шаҳрида жойлашган қамоқхонага номаълум кишилар гуруҳи, тахминларга кўра, жангарилар ҳужум қилишди ва у ердаги барча маҳбусларни озод қилиб юборишди. Бу ҳақда мамлакат армияси вакили Дьяррана Коне маълумотига асосланиб, “Рейтер” агентлиги хабар бермоқда.

Ҳужум 5 декабрь куни кечки маҳал уюштирилган. Қамоқхонада қанча маҳбус сақланганига ойдинлик киритилмаган.

Малидаги инқироз 2011 йилда Ливияда Муаммар Каддафийнинг ағдарилиши билан боғлиқ. Ўшанда у ердан туарег қабиласидан бўлган қочқинлар Малига кириб келишган эди. Мамлакатнинг шимолий қисмида жойлашган қабила вакиллари у ерда Азавад мустақил давлатини тузишди. Кейинроқ улар ўрнига экстремистлар келди.