Туркия президенти Шавкат Мирзиёевни Ўзбекистон президенти сайловидаги ғалаба билан табриклади

Ўзбекистон 06 Декабрь 2016 4753

Туркия Республикаси Президенти  Ражаб Тоййиб Эрдўған Ўзбекистон Республикаси Президенти этиб сайланган Шавкат Мирзиёевга табрик телеграммасини юборди.

Эрдўған табрикномада Шавкат Мирзиёевни 4 декабрь куни бўлиб ўтган Ўзбекистон Республикаси Президенти сайловида ишончли ғалаба қозонгани билан самимий табриклади. 

Ўзбекистон Республикасининг сайланган Президенти

Шавкат Мирзиёев Жаноби Олийларига

Жаноб Президент, қадрли қардошим!

Ўзбекистонда 2016 йил 4 декабрда ўтказилган Президент сайлови натижасида Президентлик лавозимига сайланганингиз муносабати билан халқим ва шахсан ўз номимдан чин кўнгилдан муборакбод этаман.

Дўст ва қардош ўзбек халқининг иродаси намоён бўлган ушбу сайловнинг хотиржам ва ишончли муҳитда ўтганидан бағоят мамнун бўлганимни билдирмоқчиман.

Икки томонлама алоқаларимизни ривожлантириш борасида биз ташлайдиган муштарак одимлар орқали ҳамкорлигимизни қардош халқларимизнинг манфаатига хизмат қиладиган янада юқори босқичга кўтарилишига ишончим комил. 2016 йил 18 ноябрь куни Самарқандга ташрифим халқларимиз ўртасида мозийдан бугунгача етиб келган ришталардан куч олувчи ҳамда ўзаро ҳурмат ва умумий манфаатлар асосида ривожланаётган алоқаларимизни жонлаштириши аниқ. Фурсатдан фойдаланиб, Самарқанд шаҳрида менга ва делегациямизга кўрсатилган эътибор ва меҳмондўстлик учун ташаккур айтмоқчиман.

Қардошлик муносабатларимизда янги саҳифа бўлиши учун Сиз Жаноби Олийларини расмий ташриф билан давлатимизга меҳмонга келишингиздан ва мен гўзал юртингизга яна бир бор ташриф буюришдан бағоят бахтиёр бўлишимни изҳор этаман.

Фурсатдан фойдаланиб, Сиз Жаноби Олийларига сиҳат-саломатлик ва муваффақият, қардош ўзбек халқига тинчлик, фаровонлик ва омонлик тилаб қоламан.

Ражаб Тоййиб Эрдўған,
Туркия Президенти

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 / 16.08.2017 66470 Жамият
Кун.uz офис изламоқда
15:48 / 06.08.2017 36830 Lifestyle
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 185 Иқтисодиёт
Германияда жўнатмалар ўз эгаларига Ford электр фургонларида етказилади
23:50 / 16.08.2017 165 Технология
Президент таълим тизимидаги ислоҳотларнинг бориши бўйича мажлис ўтказди
23:49 / 16.08.2017 1700 Ўзбекистон
АҚШнинг собиқ президентлари Шарлоттсвилл воқеаларига муносабат билдиришди
23:46 / 16.08.2017 450 Жаҳон
Туркия Германиядан FETÖ раҳбарларидан бирининг топширилишини талаб қилмоқда
23:42 / 16.08.2017 304 Жаҳон
Ўзбекистон ва Қирғизистон чегараси ҳудудидаги зиддиятлар камаяди
23:40 / 16.08.2017 1038 Ўзбекистон
Маккада Каъба ёпинғичи – Кисванинг кўргазмаси очилди
23:20 / 16.08.2017 1702 Жамият
Кўпроқ янгиликлар