Google компанияси ихчам Google Wi-Fi роутерининг савдосини бошлади. Қурилманинг ўзига хос жиҳати, икки ёки ундан ортиқ роутерларни ягона симсиз тармоққа улаш имконияти мавжудлигидир. Уни 129 доллар эвазига буюртма қилиш мумкин.

Бир дона роутер 140 метр квадрат майдонни қоплай олади. Уч дона Google Wi-Fi эса 420 метр квадрат майдонга интернет сигналларини етказиб бера олади. 

Бундан ташқари, Google Wi-Fi Network Assist технологиясидан фойдаланади, у фойдаланувчиларга ўзига энг яқин кириш нуқтасидан интернетга уланиш имконини беради. Тармоқ мобил илова ёрдамида бошқарилади. 

Бир дона роутер 129 долларга баҳолангани ҳолда, учтасини 229 доллар эвазига харид қилиш мумкин. Уни Amazon, Google Store ва Best Buy тармоқларида буюртма бериш мумкин.