Франция пойтахти Париж шаҳрида сўнгги 10 йил ичида ҳавонинг ифлосланиш даражаси энг юқори миқдори қайд этилди, деб хабар беради Sky News.

Заҳарли ҳаво транспорт воситалари, шунингдек ўрмон ёнғинлари оқибатида юзага келган.

Шаҳардаги жамоат транспортлари икки кундан бери бепул хизмат кўрсатмоқда.

Ўз автомобилидан эса фақатгина тоқ сонли машина рақами борлар, ичида уч кишигача бўлган транспорт воситалари ҳамда электрли ёки гибридли двигателга эга бўлган машина эгалари фойдаланиши мумкин.

The Local’нинг ёзишича, Париждаги ҳаво заҳарлиги жиҳатидан бир хонада саккизта кашанда билан ёнма-ён ўтирган ҳолатдадир.