2016 йилнинг 7 декабр куни Ҳамбург шаҳрида (Германия) Марказий Осиё мамлакатлари ва Америка Қўшма Штатлари ташқи сиёсат идоралари раҳбарларининг навбатдаги учрашуви бўлиб ўтди ва унда Ўзбекистон Республикаси Ташқи ишлар вазири Абдулазиз Комилов бошчилигидаги делегация иштирок этди. Бу ҳақда ТИВ расмий сайти хабар берган.

Аввал Самарқанд ва Вашингтон шаҳарларида бўлиб ўтган «С5+1» вазирликлараро учрашувларининг давоми сифатида сиёсий, иқтисодий ва бошқа соҳалардаги ҳамкорликнинг истиқболлари юзасидан фикр алмашилди.

Марказий Осиё Ташқи ишлар вазирлари ва АҚШ Давлат котиби Жон Керри мазкур шаклдаги ҳамкорликни давом эттиришдан манфаатдор эканликларини қайд этишди.