ХОҚ: 2008 ва 2012 йилги Олимпиадаларда олинган 101 та допинг-намунада допинг аниқланди

Спорт 08 Декабрь 2016 3445
Фото: Getty Images

Халқаро Олимпия қўмитасининг тиббий ва илмий раҳбари, шифокор Ричард Бажетт қўмита директорлар кенгаши йиғилишидан кейинги матбуот-анжуманда 2008 ва 2012 йилги Олимпиадаларда олинган допинг-намуналар билан такрорий текширув ўтказилгани ҳақида ҳисобот берди.  

"Бу ХОҚнинг тоза спортчиларни ҳимоя қилишдаги жуда муҳим ишидир. Биз Бутунжаҳон аксилдопинг агентлиги (WADA) билан барча маълумотларни олиш учун биргаликда ишладик. Рио-2016’да иштирок этиши мумкин бўлган 41 спортчи четлатилди. Июлда биз 98 та ижобий допинг-намуна топилганини эълон қилгандик. Ҳозир бу рақам 101 тага етди ва мен Лондондаги Олимпиададан яна ижобий намуналар олинишини тасдиқлашим мумкин. Пекиндаги намуналарни қайта текшириш бўйича ишлар эса якунланди", деб айтди Бажетт.

"Намуналарни такрорий текшириш давом этмоқда, шунинг учун ҳозирда маълум бўлган рақамларнигина айтиш мумкин, бироқ улар ошиши мумкин: 49 нафар спортчи Пекиндаги ўйинлардан кейин, 30 нафар спортчи Лондондаги ўйинлардан кейин четлатилган. Бизни ҳозирда алдаётган спортчилар шуни билишлари лозим: биз барча намуналарни сақлаб қўямиз ва улар 10 йил ичида қайта текширилиши мумкин", деб қўшимча қилди мутахассис.

9 декабрда WADA мустақил комиссияси ҳисоботининг 2-қисми тақдим қилинади, унда допинг-намуналари сохталаштирилган спортчилар номлари маълум қилинади ҳамда спортчилар таҳлилини алмаштириб қўйиш тизимини яратишда давлатларнинг иштироки исботи тақдим қилинади.

 

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 44785 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 62073 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34206 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19362 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 74002 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59955 Жамият
Лотереяда фирибгарлик қилган дастурчи 25 йилга қамалди
Навоий вилоятида қўшмачи эркак қўлга олинди
16:45 1749 Жамият
Маъмурий ислоҳотлар Концепцияси лойиҳаси жамоатчилик муҳокамасига қўйилди
«Made in Uzbekistan» бренди Тожикистон бозоридан Хитой маҳсулотларини сиқиб чиқармоқда
Кўпроқ янгиликлар