Олтмишдан ортиқ одам, жумладан, 19 бола ва 12 аёл Ироқнинг ИШИД террорчилари назорати остида бўлган Ал-Кайм шаҳрига берилган авиазарба оқибатида ҳалок бўлди.
Ироқ парламенти вакилининг маълум қилишича, ҳаво зарбасини мамлакат авиацияси йўллаган. Аммо Ироқ ҳукумати ва ҳарбийлари мазкур маълумотни тасдиқлашмаган.
Зарбалар шаҳарнинг марказига йўлланган. Маълум қилишларича, жангарилар штаби вазифасини ўтаб келаётган масжид ва бир қанча турар-жой бинолари вайрон бўлган.