Айова штати губернатори Терри Бранстад президент Дональд Трамп томонидан АҚШнинг Хитойдаги элчиси этиб тайинланди, деб ёзмоқда The New York Times.

Муаллифларнинг таъкидлашича, Трамп бу лавозимга ХХР раиси Си Жинпингни «эски ошна» деб аташни хуш кўрадиган инсонни тайинлаб, мамлакатга нисбатан билдирган танқидий фикрлари ҳароратини бироз пасайтирмоқчи.

Унинг сўзларига кўра, Брандстаднинг номзоди бу жуда тўғри қарор.

«У уларнинг барчасини танийди», - дея маълум қилди сайланган президент.

Нашрнинг ёзишича, Хитой ташқи сиёсат маҳкамаси вакили Лу Кан АҚШнинг бўлажак элчисини «Хитой халқининг яхши дўсти» дея атаган.

«Биз унинг мамлакатларимиз ўртасидаги муносабатларни ривожлантириш борасидаги ҳаракатларини маъқуллаймиз», - дея маълум қилди Кан.