Америкалик афсонавий актёр, Ҳолливуднинг олтин даври юлдузларидан бири Кирк Дуглас 9 декабрь куни ўзининг 100 ёшини нишонламоқда.

Актёрнинг ўзи Closer Weekly нашрига берган интервьюсида туғилган кунини Лос-Анжелесдаги (Калифорния штати) вилласида катта байрам тарзида нишонлашни мақсад қилганини айтган. “Ўғлим ва келиним 100 ёшли туғилган кунимни ўтказишни ташкиллаштиришади”, - деди Ҳолливуд ветерани 72 яшар ўғли Майкл Дуглас ва унинг 47 яшар рафиқаси Кэтрин Зета-Жонсни назарда тутар экан.
“Тадбирда оиланинг 200га яқин дўсти ва аъзолари келиши кўзда тутилган”, деди актёр.

“Спартак” филмидан лавҳа

Кирк Дуглас “Спартак” (1960), “Майнинг етти куни” (1964), “Оилавий қиймат” (2003) ва бошқа кўплаб фильмларда турли ролларни ижро этган.