Буюк Британияда мамлакатнинг ЕИдан чиқиш масаласи  бўйича 4 кун давом этган суд иши ўз ниҳоясига етди. Бу ҳақида Reuters агентлиги хабар берди. 

"Бу ишда асосий масала натижаси қонунан кучга кириши мумкин бўлган жараён билан боғлиқ. Оғзаки ва ёзма шаклда келтирилган далилларни кераклича ўрганиб чиқишимиз учун бизга вақт талаб қилинади", - деди суд органи раиси лорд Дэвид Нойбергер. 

Шунингдек у суд иши давомида Brexit референдуми натижаларини бекор қилиш масаласи муҳокамага қўйилмаганини таъкидлади ва суд бу борадаги қарорини имкон қадар тезроқ чиқаришига ваъда берди.