Қозоғистон пойтахти Остона шаҳридаги 1-4 синф ўқувчилари бепул таом билан таъминланади, деб хабар берди Tengrinews.kz шаҳар ҳокимиятига асосан.

Остона шаҳрининг 2017-2019 йилларга мўлжалланган бюджетида таълим соҳасига йўналтириладиган сарф-харажатлар кўзда тутилган бўлиб, унинг ичида 1-4 синф ўқувчиларини бепул овқат билан таъминлаш ҳам бор. Шунингдек, барча олий ўқув юртларидаги талабаларни имтиёзли ойлик чипталар билан таъминлаш, соғлиқни сақлаш, ижтимоий ёрдам ва маданият, жисмоний тарбия ҳамда спортни ривожлантириш ҳам кўзда тутилган.

Аввалроқ, бюджет ва ижтимоий соҳа ишчиларига битта маошни бериш учун бюджетдан бир миллиард 900 миллион тенге ажратилиши хабар қилинганди. Бундан ташқари, кам таъминланган фуқароларга ҳам ёрдам пули берилади.