Turkiya harbiy samolyotlari “Firot qalqoni” amaliyoti davomida IShIDning Suriya shimolidagi 34 obektini yo‘q qilishdi, deb xabar qildi Turkiya bosh shtabi.
Avvalroq, o‘tgan kecha-kunduz davomida IShIDning 10 obekti yo‘q qilingani xabar berilgandi.
"Tongi vaqtlarda bizning HHK tomonidan berilgan aviazarbalar natijasida IShIDning 34 obekti, jumladan 20 ta boshpana va shtablar, ikkita harbiy avtomobil, beshta qurol-yarog‘ ombori yo‘q qilindi. Belgilangan vazifani omadli ravishda bajargan samolyotlar bazaga qaytib kelishgan", - deyiladi RIA Novosti tomonidan turk bosh shtabidan olingan xabarida.
Ma'lumot uchun, Turkiya armiyasi 24 avgust kuni IShID jangarilariga qarshi “Firot qalqoni” amaliyotini boshladi. U Suriya muxolifati yordamida chegara yaqinidagi Jarablus shahrini egallab, ayni damda Al-Bob shahriga hujum qilmoqda.
