Яман жанубидаги Адан шаҳрида жойлашган ҳарбий лагер ёнида худкуш ўзини портлатиб юборди. Оқибатда 40 киши ҳалок бўлди, 70 киши яраланди. Бу ҳақда маҳаллий миллий хавфсизлик хизмати маълумотига асосланиб, “Рейтер” хабар бермоқда.

Аввалроқ қурбонлар сони 20, ярадорлар эса 30 кишини ташкил этгани ҳақида маълумот берилган эди.

Агентлик маълумотига кўра, худкуш маош олиш учун навбатда турган ҳарбийлар ёнида ўзини портлатиб юборган. Портлашни ҳеч бир террорчилик гуруҳи ўз зиммасига олмаган.