АПЛнинг 15тур ўйинлари голларга бой бўлмоқда. Ортда қолган 5та ўйинда 23та гол урилди.

Кейинги турларда ҳимоядан кўра, ҳужумга кўпроқ эътибор қаратаётган «Кристал Пелас» иштирокидаги ўйинда ҳам бу сафар мухлислар зерикиб қолишмади. «Ҳалл Сити»га қарши ўйинда ҳисоб борасида қувлашмачоқ кузатилди ва ўйин 3:3 ҳисобида якунланди. Бу жамоа икки тур олдин «Суонси» майдонида 5:4 ҳисобидаги голлар шоусида иштирок этганди. Ўтган турда эса «Саутҳемптон» 3:0 ҳисобида таслим этилган - 3 ўйинда 10та гол урилди.

Алан Пардью жамоаси айни дамда 15 очко билан 14-ўринда, «Ҳалл Сити» эса 12 очко билан 19-ўринда жойлашган.

«Бёрнли» ва «Борнмут» ўйинида 3:2 ҳисоби қайд этилди. Шон Дайч жамоаси бу ғалабадан кейин 17 очко билан 13-ўринга кўтарилди, Эдди Ҳау шогирдлари эса 18 очко билан ўн биринчи ўринда қолмоқда.

Уэльсда «Суонси» «Сандерленд»ни қабул қилди ва 3:0 ҳисобидаги ғалабага эришди. «Суонси» кўтарилишда давом этмоқда - 12 очко, 17-ўрин. «Сандерленд» эса лигани тарк этиш учун асосий даъвогар - 11 очко, 20 ўрин.

«Уотфорд» Англия чемпионатининг 15-турида «Эвертон»ни қабул қилди. «Викарэйдж Роуд» стадионида кечга учрашув мезбонларнинг 3:2 ҳисобидаги ғалабаси билан якунланди.

Ўйиннинг 17-дақиқасида Ромелу Лукаку «ирислар»ни олдинга олиб чиқди, аммо 36-дақиқада «асаларилар» жамоаси ҳужумчиси Стефано Окака Чука ҳисобни тенглаштирди. Иккинчи бўлим ўртасида мезбонлар ҳимоячиси Себастьян Прёдль ҳисобни 2:1 кўринишига келтирди, кўп ўтмасдан Окака Чука дублни расмийлаштирди. 86-дақиқада Лукаку орадаги фарқни қисқартирди, аммо «Эвертон» дурангга эриша олмади.

Эндиликда «Уотфорд» 21 очко жамғарган ҳолда АПЛ турнир жадвалининг еттинчи ўрнига жойлашган, «Эвертон» (20) тўққизинчи поғонада қолмоқда.

Олдинда мухлисларни амалдаги чемпион «Лестер» ва «Манчестер Сити» ўртасидаги баҳс кутмоқда.

11 декабрь куни ҳам тур доирасида 4та учрашув ўтказилади. «Челси» – «Вест Бромвич», «МЮ» – «Тоттенҳэм», «Ливерпуль» – «Вест Ҳэм» ва «Саутҳемптон» – «Мидлсбро».

Ҳалл – Кристал Пэлас 3:3
Голлар: 1:0 – 27, пенальти Снодграсс, 1:1 – 52, пенальти Бентеке, 1:2 – 70 Заҳа, 2:2 – 72 Диоманде, 3:2 – 78 Ливермор, 3:3 – 89 Кэмпбелл.
Ҳалл – Маршалл, Доусон, Дэвис, Магуайр, Робертсон, Ҳаддлстоун, Ливермор, Клукас (Хенриксен, 90), Аль-Мухаммади, Снодграсс, Диоманде.
Кристал Пэлас – Хеннесси, Келли (Кэмпбелл, 80), Дилэйни, Уорд, Дэнн, Макартур (Кабай, 71), Ледли, Таунсенд (Фрайерс, 46), Панчон, Заҳа, Бентеке.
Огоҳлантиришлар: Снодграсс (20), Дэнн (26), Ал-Муҳаммади (43), Макартур (45), Панчон (46), Кабай (79).

Бёрнли – Борнмут 3:2
Голлар: 1:0 – 13 Хендрик, 2:0 – 16 Уорд, 2:1 – 45 Афобе, 3:1 – 75 Бойд, 3:2 – 90 Дэниэлс.
Бёрнли – Хитон, Ми, Уорд, Лоутон, Кин, Дефур (Барнс, 55), Хендрик, Марни, Арфилд, Бойд (Тарковски, 90), Воукс (Грэй, 55).
Борнмут – Боруц, Аке, Кук, Дэниэлс, Смит, Гослинг (Кинг, 72), Артер, Фрэйзер (Пью, 81), Фрэнсис, Афобе, Уилсон (Уилшер, 59).
Огоҳлантиришлар: Артер (34), Арфилд (54), Гослинг (60), Бойд (68).

Суонси – Сандерленд 3:0
Голлар: 1:0 – 51, пенальти Сигурдссон, 2:0 – 54 Льоренте, 3:0 – 80 Льоренте.
Суонси – Фабианьски, Моусон, Тэйлор, Ранхель, Амат, Сигурдссон, Бриттон, Раутледж, Фултон, Барроу (Монтеро, 77), Льоренте (Макберни, 84).
Сандерленд –    Пикфорд, Жилободжи, Коне, ван Анҳолт, Денайер, Пиенар (Манкильо, 85), Ндонг (Кирхгофф, 57), Ларссон (Янузай, 55), Жонс, Аничебе, Дефо.
Огоҳлантиришлар: Ндонг (18), Денайер (43), Ранхель (60).

Уотфорд – Эвертон 3:2
Голлар: 0:1 – 17 Лукаку, 1:1 – 36 Окака Чука, 2:1 – 59 Предль, 3:1 – 64 Окака Чука, 3:2 – 86 Лукаку.
Уотфорд – Гомес, Предль, Холебас, Суньига (Кабаселе, 90), Бритос, Гедиура (Янмат, 61), Бехрами, Капу, Амрабат, Окака Чука (Уотсон, 81), Дини.
Эвертон – Стекеленбург, Уильямс, Бейнс (Леннон, 83), Коулмэн, Фунес Мори, Маккарти, Бэрри, Деулофеу, Гуйе (Баркли, 64), Миральяс (Валенсия, 71), Лукаку.
Огоҳлантиришлар: Гедиура (7), Деулофеу (14), Бейнс (62), Холебас (74).