Ҳалабнинг шарқий қисмидан келган камида 35 минг киши Суриянинг ушбу шаҳри бошқа туманларидан бошпана топишди. Бундай маълумот БМТнинг гуманитар масалаларни ўзаро мувофиқлаштириш Бошқармаси томонидан эълон қилинди.

"Айни дамда Шарқий Ҳалабдан келган 35 минг киши шаҳарнинг бошқа туманларида бўлиб турибди. Тахминларга кўра, уларнинг ярми умумий бошпаналарга жойлаштирилган", - дейилади хабарда. 

Шу билан бир қаторда, "Шайх-Мақсуд туманида бўлган 8,5 минг киши ўз уйларига қайтиб кетишган. У ерлар ҳозир курдлар назоратида" экани ҳам таъкидлаб ўтилди.

Хабарларга кўра, Сурия ҳукумати айни дамда Ҳалабнинг 93 фоиз ҳудудини назорат қилмоқда.