Германия чемпионатининг 14-турида «Ингольштадт» «РБ Лейпциг»ни қабул қилди ва 1:0 ҳисобида ғалаба қозонди.

Ўйиндаги ягона гол мезбонлар ярим ҳимоячиси Роджер ҳисобига ёзилди.

Шу тариқа, мавсум кашфиёти «РБ Лейпциг» чемпионатдаги илк мағлубиятини қабул қилиб олди ва иккинчи ўринга тушиб кетди. Дебютантлар ҳисобидаги очколар сони 33талигича қолди. «Ингольштадт» эса 9 очко билан 17-ўринда жойлашган.

Бу ўйинга параллел тарзда кечган баҳсда «Бавария» «Вольфсбург»ни йирик ҳисобда енгди ва 33 очко тўплаган ҳолда турнир жадвалида биринчи ўринга кўтарилди. 

Кейинги турда, 18 декабрь куни  «Ингольштадт» «Байер» майдонига сафар қилади, лейпцигликлар эса 17 декабрь куни «Герта»ни қабул қилади.

Ингольштадт - РБ Лейпциг - 1:0 (1:0)
Гол: Роджер 12 (1:0).
Ингольштадт: Хансен (Нюланд, 58), Матип, Юнг, Хадергьонай, Тиссеран, Гросс (Хинтерзеер, 86), Моралес, Коэн, Роджер, Лескано (Хартманн, 64), Леки
РБ Лейпциг: Гулаши, Халстенберг, Орбан, Шмитц, Кейта, Демме, Ильзанкер, Забитцер, Вернер (Сельке, 70), Поульсен (Бурк, 55), Форсберг
Огоҳлантиришлар: Леки, 90; Хадергьонай, 90 - Забитцер, 34; Вернер, 61; Сельке, 90
Четлатиш: Леки, 90