Стокгольмда Нобель мукофоти ўз эгаларига топширилди

Жамият 10 Декабрь 2016 8916

Бугун, 10 декабрь куни Стокгольм шаҳарида тиббиёт ёки физиология, физика, кимё, шунингдек, иқтисод соҳасидаги кашфиётлар учун 2016 йилги Нобель мукофотлари ўз эгаларига топширилди. Бу ҳақда Нобель фондининг матбуот хизмати хабар бермоқда.

Швеция қироли Карл XVI Густав қўлидан диплом ва медалларни япониялик профессор Ёсинори Осуми, (физиология ва тиббиёт); 3 физик — Дэвид Таулесс, Данкан Ҳолдейн ва Майкл Костерлиц; химия бўйича лауреатлар — Жан-Пьер Саваж, Фрейзер Стоддарт ва Бернард Феринг, шунингдек иқтисодиёт йўналишида Оливер Харт ва Бенгт Хольмстрёмга (Швециянинг Давлат банки томонидан таъсис қилинган мукофот) топширилди.

Адабиёт бўйича Нобель мукофоти эгаси Боб Дилан Стокгольмга кела олмади. Америкалик рок ижрочиси Боб Дилан мукофотни топшириш маросими учун нутқ тайёрлади ва уни мукофот ташкилотчиларига тақдим этди. Ушбу нутқда Дилан бундай мукофотга лойиқ кўрилгани учун миннатдорлик сўзларини изҳор қилган. Боб Дилан «Америка қўшиқчилик анъанаси доирасида янги поэтик ибораларни яратгани учун» мукофотга лойиқ деб топилган эди. 

Унинг ўрнига америкалик бошқа бир рок-ижрочиси Патти Смит маросимда ҳозир бўлди. У Диланнинг A Hard Rain's A-Gonna Fall қўшиғини ижро этиб берди.

Бундан олдинроқ Норвегия пойтахти Осло шаҳрида Колумбия президенти Хуан Мануэль Сантосга тинчлик йўналишидаги Нобел топширилганди.

2016 йилда мукофотнинг пул қиймати 8 миллион швед кронасига (932 минг доллар) тенг бўлди.

Стокгольмдаги Катта Концерт залида ташкил қилинган маросимга 1500 меҳмон — лауреатларнинг оила аъзолари, швециялик сиёсатчилар, маданият вакиллари, олимлар ва талабалар келган. Маросим SVT телеканали томонидан эфирга узатилган.

Маросимнинг бир қисми Стокгольм ратушасидаги Ҳаворанг залда давом эттирилади. Бу ерда зиёфат ташкил қилинган. Зиёфатдан кейин анъанавий балл ташкил қилинади.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20624 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49600 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3081 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 1714 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 3495 Жаҳон
Хитой хорижий инвестицияларга чеклов жорий қилди
23:08 / 21.08.2017 2052 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3145 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3290 Технология
Лотин алифбосидан кимлар қўрқади?
22:45 / 21.08.2017 4792 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 4390 Ўзбекистон
Кўпроқ янгиликлар