Нигерия жанубида жойлашган черковнинг қулаши оқибатида 60 киши ҳалок бўлди. Бу ҳақда Associated Press хабар бермоқда.

Гувоҳларнинг сўзларига кўра, Аква-Ибом штатидаги черковни янги епископ шарафига тезроқ фойдаланиш учун топширишга шошилишган. Маълумотларга кўра, черковнинг қулаши вақтида унинг ичида юздан зиёд киши бўлган. Улар орасида штат губернатори Удом Эммануэл ҳам бўлиб, унга зарар етмаган.

Қурбонлар сони ортиши мумкин, дейилади хабарда. Губернатор вакилининг хабар беришича, бино қулаши сабаблари ўрганилади.