Бугун Швейцариянинг Ньон шаҳридаги  УЕФА офисида Европа Лигасининг ним чорак финал босқичига қуръа ташлаш маросими ўтказилади.

Бу босқичда клублар икки саватчага ажратилган. Гуруҳ босқичлари ғолиблари ва ЕЧЛда учинчи ўринни эгаллаган 8 жамоадан 4таси "сараланганлар" гуруҳида бўлади. Қолган жамоалар "сараланмаганлар" гуруҳини ташкил этади.

Бу босқичда бир мамлакат вакиллари ўзаро учрашмайди. Бундан ташқари, бир гуруҳда ўйнаган жамоалар ўзаро дуч келмайди, шунингдек, сиёсий вазият туфайли Россия ва Украина жамоалари учрашиши олди олинган.

Сараланганлар: АПОЭЛ (Кипр), «Аякс» (Нидерландия), «Бешиктош»*, «Усмонлиспор», «Фенербаҳче» (барчаси – Туркия), «Генк» (Бельгия),  «Зенит» (Россия), «Копенгаген» (Дания)*, «Лион», «Сент-Этьен» (иккиси – Франция)*,  «Рома», «Фиорентина» (иккиси – Италия), «Спарта» (Чехия), «Тоттенҳэм» (Англия)*,  «Шальке» (Германия), «Шахтер» (Украина).

Сараланмаганлар: АЗ (Нидерландия), «Андерлехт», «Гент» (иккиси – Бельгия), «Астра» (Руминия), «Атлетик», «Вильярреал», «Сельта» (барчаси – Испания), «Боруссия» Менхенгладбах (Германия)*, «Краснодар», «Ростов»* (иккиси – Россия), «Легия» (Польша)*, «Лудогорец» (Болгария)*, «Манчестер Юнайтед» (Англия), «Олимпиакос», ПАОК (иккиси – Греция), «Хапоэль» Беер-Шева (Исроил).

*1/16 финал босқичига чемпионлар лигасидан қўшилган жамоалар.

Қуръа ташлаш маросими ЕЧЛ учун қуръадан кейин – Тошкент вақти билан соат 17.00да бошланади.

1/16 финал босқичи ўйинлари 2017 йилнинг 16 ва 23 февраль кунларида ўтказилади. Биринчи саватдаги гуруҳлар илк ўйинларни ўз майдонида ўтказади.

Қуръа жараёнини ушбу ҳавола орқали жонли равишда кузатиш мумкин >>>