Дональд Трамп F-35 қирувчи самолётини қуриш дастури қийматини оширилган деб атаган заҳоти, Lockheed Martin компанияси 3,5 миллиард доллар йўқотди. Бу ҳақда The Independent хабар бермоқда.

“F-35 дастури ва унга қаратилган харажат назоратдан чиқиб кетди. 20 январдан сўнг, миллиардлаб доллар ҳарбий (ва бошқа) олди-сотдиларда тежаб қолинади”, — деб ёзган у Twitter’даги саҳифасида.

Нашрнинг маълум қилишича, у мана шу твитни эълон қилганидан икки соат ўтиб, Lockheed Martin компаниясининг қиймати 3,5 миллиард долларга тушиб кетган.