Мусаввир Грэм Шорт 5 фунтли купюраларда Жейн Остиннинг митти портретларини ўйиб ишлади ва уларни турли мамлакатларда сарфлади. Эндиликда уларнинг қиймати 10 карра ошди. 

Беш ноёб купюранинг ҳар бири бутун Англия бўйлаб мурожаат қилингандан сўнг 50 минг фунтга баҳоланиши мумкин. Бу ҳақида "Life" нашри хабар берди

Купюраларнинг энг охиргиси кеча маҳаллий Уэльс кафесида рассомнинг ўзи томонидан сарфланди. Агар унинг эгаси бундай ноёб купюрани сезмаса, у Жанубий Уэльс, эҳтимол бутун Британия бўйлаб "айланиши" мумкин. Бундан аввалги купюралар Шимолий Ирландия, Шотландия ва Англияда сарфланган. 

Мусаввир ёзувчи портретини Уинстон Черчилль ва Биг-Бен тасвирлари ёнига туширди. Остиннинг портрети купюраларда шундоққина кўриниб турибди

.

Шорт игнага ўйма ёзув туширганидан кейин дунё бўйлаб танила бошлади. У доимо бошқалардан фарқ қилувчи ноодатий ишларни бажаришга ҳаракат қилган, шу боис янги купюралар муомалага чиққанидан сўнг ўз ғоясини амалда қўллашга қарор қилди. 

"Мен Жейн Остиннинг 200 йиллик юбилейи шарафига унинг портретини купюраларга тушириб, турли мамлакатларда сарфлашга қарор қилдим. Яқинда бу купюраларнинг ҳар бири қанча туришини эшитиб қолдим. Умид қиламанки, кимдир уни топиб, Янги йилга ўзига ажойиб совға тақдим этади", - дейди мусаввир.