Халқаро олимлар гуруҳи Ернинг ўз тарихидаги энг кучли музлаш даврларидан бири - протерозойдан чиқиши - глобал кислотали ёмғирлар ва бўронлар билан кузатилганини маълум қилди. Proceedings of the National Academy of Sciences журналида шу мавзуга бағишланган тадқиқот чоп этилди. 

Мутахассислар Хитойнинг жануби-шарқий Хунань провинциясидаги муз қояларидан топилган магний изотопларини таҳлил қилиб, ана шундай хулосага келишди. Олимлар томонидан ўрганилган намуналар тахминан 600 миллион йил илгари рўй берган кучли эрозия изларига эга бўлган. 

Манбага кўра, тоғ жинслари деградацияси сув, карбонат ангидрид ва кислород таъсири остида рўй берувчи интенсив кимёвий жараён натижасида юзага келган. Мутахассисларнинг баҳолашича, сайёрадаги кислотали ёмғирлар даври бир неча юз йил давом этган ва бунинг натижасида музлаш даври поёнига етган. 

Олимларнинг сўзларига кўра, тадқиқот сайёрадаги глобал совиш қандай қилиб глобал исишга айланганини изоҳлаш имконини беради.