Осиё Чемпионлар Лигасининг 2017 йилги мавсуми учун қуръа ташлаш маросими бўлиб ўтди.

Мусобақанинг гуруҳ босқичига Ўзбекистондан фақатгина мамлакат чемпиони «Локомотив» тўғридан-тўғри йўл олган. Олий Лигада иккинчи ва учинчи ўринларни қўлга киритган «Насаф» ва «Бунёдкор» плей-офф босқичида иштирок этади.

«Локомотив» «А» гуруҳида иштирок этади. Бу гуруҳда тошкентликлар жамоасига БААнинг «Ал-Аҳли», Саудия Арабистонининг «Ат-Тавун» клублари рақиб бўлиши аниқ. Гуруҳдаги тўртинчи жамоа номига плей-офф босқичидан кейин ойдинлик киритилади. Бу ўрин учун Эроннинг «Истиқлол» ва Қатарнинг «Ас-Садд» клублари кураш олиб боради.

Маълумот учун, сўнгги икки мавсумда ОЧЛда иштирок этган «Локомотив»  иккинчи уринишда чорак финалга қадар етиб борганди.