Foto: AP
Germaniyaning Lufthansa aviakompaniyasi samolyoti Nyu-Yorkdagi xalqaro aeroportga favqulodda qo‘ndi, deb xabar beradi ABC.
Xyustondan Frankfurtga yo‘l olgan 441 reys Nyu-Yorkdagi Jon Kennedi nomli xalqaro aeroportga jo‘natilgan. Bu holat “telefon orqali portlash haqida po‘pisa qilingach” ro‘y berdi.
Samolyot aeroportning eng chekka qismiga jo‘natildi. U yerda barcha yo‘lovchilar laynerni tark etishgan.
Ayni damda samolyot mutaxassislar tomonidan ko‘zdan kechirilmoqda.
