Россия президентининг ёрдамчиси Юрий Ушаков Владимир Путин Японияга ташрифи давомида “Кодокан” шарқ яккакурашлари марказига ҳам боришини айтиб ўтди. Бу ҳақда “Газета.ru” хабар қилмоқда.

“Кодокан”да кўргазмали чиқишлар ўтказилади. 

Таъкидланишича, Путин 2000 йилда у ерда дзюдо ташлаш техникасини намойиш этиб берган. Ушаковнинг аниқлик киритишича, РФ президенти бу сафар татамига чиқмайди.

Аввалроқ, Россия президенти “Ниппон” телекомпанияси ва “Иомиури” газетасига берган интервьюсида ўзининг Япония ва дзюдога бўлган муҳаббати ҳақида сўзлаб берганди.

“Ростини айтсам “Кодокан”га катта мамнуният билан ташриф буюрган бўлардим. “Кодокан” – дзюдо билан шуғулланувчи, дзюдога меҳр қўйган инсонлар учун ўзига хос бир жойдир. Бу мактабдан жуда ҳам кучли усталар етишиб чиққан”, - дея айтиб ўтган Путин.