Shavkat Mirziyoyevning inauguratsiya marosimi qachon o‘tkazilishi ma'lum bo‘ldi

O‘zbekiston Respublikasining yangi saylangan prezidenti Shavkat Mirziyoyevning inauguratsiya marosimi shu yilning 14 dekabr kuni bo‘lib o‘tadi. Bu haqda kun.uz nashriga parlamentdagi manbalar ma'lumot bergan.

Bu qaror Senatning 13 dekabrda boshlangan majlisida qabul qilinishi kutilmoqda.

Eslatib o‘tamiz, Shavkat Mirziyoyev 4 dekabr kuni bo‘lib o‘tgan Prezident saylovida 88,61 foiz ovoz to‘plab g‘olib bo‘lgan edi.

O‘zbekiston Respublikasi Konstitutsiyasining 92-moddasiga binoan, Prezident O‘zbekiston Respublikasi Oliy Majlisi yig‘ilishida quyidagi qasamyodni qabul qilgan paytdan boshlab o‘z lavozimiga kirishgan hisoblanadi:

“O‘zbekiston xalqiga sadoqat bilan xizmat qilishga, Respublikaning Konstitutsiyasi va qonunlariga qat'iy rioya etishga, fuqarolarning huquqlari va erkinliklariga kafolat berishga, O‘zbekiston Respublikasi Prezidenti zimmasiga yuklatilgan vazifalarni vijdonan bajarishga tantanali qasamyod qilaman”.