ЖССТ: Безгак инсоният учун катта муаммолигича қолмоқда

Жамият 13 Декабрь 2016 2860
Фото: EPA

Безгак инсоният учун катта муаммолигича қолмоқда: 2015 йилда дунё бўйлаб 212 миллион киши шу касалликка йўлиқди, улардан 449 минг нафари ҳаётдан кўз юмди. Жаҳон соғлиқни сақлаш ташкилотининг (ЖССТ) ушбу касаллик билан курашга доир ҳисоботида ана шундай маълумотлар берилди. ТАСС агентлиги шу ҳақида хабар берди. 

"Глобал муаммо ҳисобланган безгакнинг номутаносиб катта улуши Сахара жанубидаги Африка мамлакатларига тўғри келади, - дея таъкидланади тадқиқотда. - 2015 йилда минтақада 90 фоиз безгак касаллиги ва унинг натижасидаги  92 фоиз ўлим ҳолати қайд этилган". Энг заиф қатлам - 5 ёшгача бўлган болалар. Экспертларнинг ҳисоб-китобларига кўра, болалар ўлимининг 70 фоизи айнан безгак касаллиги туфайлидир.

ЖССТ касаллик тарқалишини назорат қилишда "сезиларли тафовутлар" мавжудлигини қайд этди: Сахара жанубидаги Африка мамлакатлари аҳолисининг 43 фоизи ҳимояловчи москит тўрлардан ёки ҳашаротларга қарши воситалардан фойдаланмайди, бу касаллик тарқатувчилар билан курашишнинг энг асосий усулларидир.

Шундай бўлса-да, ҳисобот муаллифлари безгакка қарши курашда сезиларли натижаларга эришилганини таъкидлашди: ўтган беш йил ичида безгакни даволашнинг замонавий усуллари қўлланган 22 Африка мамлакатидаги болалар сони 29 фоиздан 51 фоизга кўтарилди. Бундай имкониятга эга бўлган аёллар сони ҳам 6 фоиздан 31 фоизга ўсди. 

2000 йилдан 2010 йилгача бўлган вақт ичида безгак билан курашишга йўналтирилган инвестициялар ошган бўлса-да, ундан кейинги йилларда бундай ҳолат кузатилмаган. ЖССТ бу борада "йирик молиялаштиришга шошилинч эҳтиёж" мавжудлигини таъкидлади. 

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33146 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18595 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71594 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59137 Жамият
ЕЧЛ-2017/18 қуръасида саватчалар таркиби қандай бўлади?
15:04 622 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 3648 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 631 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар