«Ростов»нинг эронлик ҳужумчиси Сардор Ўзмун Англия Премьер-лиганинг 8 клуби ҳамда Дортмунднинг «Боруссия» жамоаси томонидан жиддий қизиқиш мавжуд. Немислар жамоаси уни габонлик ҳужумчи, кейинги мавсумда «Реал»га ўтиб кетиши кутилаётган Пьер-Эмерик Обамейянг ўрнига ўринбосар сифатида кўрмоқда. Бу ҳақда ТАСС агентлиги жараёнга алоқадор манбасига таяниб хабар берган.

«Чемпионлар лигасининг гуруҳ босқичидаги ўйинлардан кейин уни ўз таркибига қўшиб олишга Англия Премьер-лигасининг 8та жамоаси қизиқиш билдирди. ПСВ билан ўйиндан кейин улар сафига Дортмунднинг „Боруссия“ жамоаси ҳам қўшилди. Улар Обамейянгга муносиб ўринбосар қидирмоқда. Россияликлар клуби билан музокаралар олиб борилмоқда, аммо ҳали бу борада аниқ гап айтишга эрта: Россия чемпионатининг биринчи давраси якунланди, Европада эса ҳали якунланмади. Қишки трансферлар даричаси ҳали очилмади. Аниқ таклифлар ой охирида ёки кейинги йил бошида билдирилиши кутилмоқда», — деган манба.

Бундан олдинроқ, ушбу 21 ёшли футболчига Португалиянинг «Бенфика» жамоаси ҳам қизиқиш билдираётгани маълум бўлганди. Англияда эса уни «Ливерпуль», «Суонси», «Вест Ҳэм», «Саутҳемптон» ва «Эвертон» каби жамоалар ўз таркибига қўшиб олишни ният қилган. Шунингдек, Германиядаги «Байер» ва «Шальке» каби клублар вазиятни кузатиб боришмоқда.

Россия чемпионатида Ўзмун 12 учрашувда майдонга тушиб, 2 гол урган. У шунингдек, Чемпионлар лигаси доирасидаги 10 учрашувда 4та голга муаллифлик қилган.

Футболчининг трансфер қиймати 7 миллион еврога баҳоланган.