15:47 / 14.12.2016
90605

O‘zbekistonni rivojlantirishning 5 yo‘nalishi ma'lum qilindi

Foto: O‘zbekiston Prezidenti matbuot xizmati

O‘zbekiston hukumati mamlakatning 2017-2021 yillarga mo‘ljallangan rivojlanish strategiyasini ishlab chiqmoqda va mazkur loyiha muhokamaga taqdim etiladi. Bu haqda O‘zbekiston Prezidenti Shavkat Mirziyoyev Oliy Majlis palatalarining qo‘shma majlisida ma'lum qilgan.

«Biz O‘zbekistonning 2017-2021 yillarga mo‘ljallangan rivojlanish strategiyasini ishlab chiqishga kirishdik va mazkur loyiha umumxalq muhokamasiga taqdim etiladi», — deya prezident so‘zlarini keltirgan RIA Novosti.

Prezidentning so‘zlariga ko‘ra, dasturdan 5 asosiy yo‘nalish: davlat boshqaruvi va sud-huquq tizimini modernizatsiya qilish, iqtisodiyotni liberallashtirish, ijtimoiy sohadagi islohotlar va tashqi siyosat tamoyillari o‘rin oladi.

«Biz Vazirlar Mahkamasining ijro tizimiga jiddiy o‘zgarishlar kiritish orqali uni maqbullashtiramiz, jamiyat manfaatlariga javob beradigan tizimga aylantiramiz», — deya ta'kidlagan Prezident.

Top