2017 йилда Ўзбекистонга келадиган хитойлик туристлар сони кескин ортиши мумкин. Пекиндаги Guide to Adventures сайёҳлик компанияси бош менежери Гуо Жин Веининг таъкидлашича, Ўзбекистонга визасиз келишнинг янги тартиби Хитой бозорида катта қизиқиш билан кутиб олинган.

«Биз ҳар куни Ўзбекистонга ташриф юзасидан деярли 20 та қўнғироқни қабул қилмоқдамиз. Бу туристик саёҳат ҳажмининг ошишидан дарак бериши мумкин», - дея таъкидлаб ўтди у.

Хитойликлар асосан 20-25 кишилик гуруҳлар бўлиб сафарга чиқишади. Ўзбекистондаги визалар билан боғлиқ янги тартиблар эса мамлакатни энг топ-туристик йўналишлар қаторига қўшди. Таъкидланишича, Ўзбекистонга 2017 йилда Хитойдан келадиган туристлар сони кескин ортиши кутилмоқда.