Париж шаҳрининг асосий диққатга сазовор жойларидан бири Эйфель минораси 13 декабрдан буён меҳмонларга ёпиқ. Бунга ушбу иншоот ходимларининг иш ташлаши сабаб бўлмоқда, деб ёзмоқда The Times нашри. 

Таъкидланишича, миноранинг 300 нафар атрофидаги ишчилари меҳнат шароитларини яхшилаш ва иш ҳақини кўтаришни талаб қилишмоқда. Бундан ташқари, раҳбариятнинг улар билан бу масалада музокара олиб боришни хоҳламаётгани ҳам ишчиларнинг ғазабини чиқармоқда. 

Ҳар йили Эйфель минорасини 6 млндан ортиқ сайёҳ томоша қилади, уларнинг 80 фоизидан ортиғи хорижликлардир. 

Куни кеча, Эйфель минораси Суриянинг Ҳалаб шаҳрига ҳамдардлик сифатида чироқларини ўчиргани хабар қилинган эди.