Қозоғистонга 90-йилларнинг бошидан буён мамлакатга 265 миллиард долларлик хорижий инвестиция жалб этилган. Бу ҳақда Қозоғистон президенти Нурсултон Назарбоев 15 декабрь куни маълум қилган.

“Халқ фойдаси учун 265 миллиард долларлик хорижий инвестиция ишламоқда. Тенге жорий этилган 1993 йилдан бошлаб, тўғридан тўғри йўналтирилган инвестиция барқарор суръатда давом этмоқда. 23 йил давомида ҳар йили янги инвестиция жалб этилди”, — деди у Қозоғистон мустақиллиги муносабати билан ўтган тантанали йиғилишда.

Президентнинг фикрича, бу “глобал бизнеснинг мамлакатга бўлган ишончини англатади”.