Назарбоев: Президент, ҳукумат ва парламент ваколатларини қайта тақсимлаш вақти келди

Жаҳон 15 Декабрь 2016 6785
Фото: ТАСС

Қозоғистоннинг ривожланиши ҳокимият органларининг ваколатларини қайта тақсимлаш устида ўйлаб кўриш вақти келганини кўрсатмоқда. Давлат раҳбари Нурсултон Назарбоев республика мустақиллигининг 25 йиллиги муносабати билан ўтказилган тантанали йиғилишда шундай баёнот берди. Қозоғистон Республикаси 16 декабрда ўз мустақиллигини нишонлайди. 

"Давлат тараққиётининг янги босқичи мамлакатдаги жараёнлар учун парламент ва ҳукумат масъулиятини кучайтиришни талаб қилади, - деган Назарбоев. – Қозоғистон президентлик бошқарувидаги давлат бўлган ва шундай бўлиб қолади. Аммо, президент, ҳукумат ва парламент ваколатларини қайта тақсимлаш масаласини кўриб чиқадиган вақт келди".

"Махсус комиссия бу масалаларни ўрганиб чиқиши ва шунга доир қонунларни, балки конституцияни ўзгартиш бўйича таклифларини киритиши лозим", - деб хулоса қилган давлат раҳбари. 


 

Кўпроқ янгиликлар