Volkswagen компанияси Atlas номли етти кишига мўлжалланган кроссоверни ишлаб чиқаришни бошлади. Автомобиль Чаттануга шаҳри (Теннесси штати)даги заводда йиғилмоқда, деб хабар берган компания матбуот хизмати. Янгилик АҚШдан ташқари бошқа давлатларга ҳам етказиб берилади. Кроссовер сотуви 2017 йилнинг охирларида бошланиши кутилмоқда.

Volkswagen Atlas MQB модулли платформасида яратилган энг катта автомобиль бўлади. Кроссовер ҳажми бўйича ҳаттоки Touareg’ни ҳам ортда қолдирган. Atlas’нинг узунлиги беш метрдан кўпроқни ташкил қилиб, кенглиги деярли икки метрга тенг.