Украина Олий радаси собиқ депутати Владимир Олейникнинг Украинадаги 2014 йилги воқеалар давлат тўнтаруви деб тан олиниши бўйича судга берган даъво аризаси бутун дунёга ўшандаги воқеалар ҳақида ҳақиқатни билишга имкон беради. Украинанинг собиқ президенти Виктор Янукович ушбу суд жараёнидан нима кутаётгани ҳақидаги саволга жавобан журналистларга шундай деб айтди.

"Украина, Россия халқлари, жаҳон ҳамжамияти Украинадаги уч йил аввалги воқеалар ҳақида ҳақиқатни билиши, биз бу ҳақиқатни айтишга имкон олишимиз жуда муҳимдир. Шунинг учун уч йил ўтгач, урғуларни тўғри қўйиб, ким кимлигини, Украина билан ўшанда нима ва нима учун содир бўлгани ва биз ўзимизни қачон ҳурмат қилишга ўрганишимизни айтишимиз жуда муҳимдир", деб айтди Янукович.

Янукович "оддий фуқаро, Украина учун жавобгар бўлган президент сифатида бу жараёндан манфаатдорлигини" айтди. "Шунинг учун мен ўша воқеалар ҳақидаги фикрларимни айтгани бу ерга келдим", деб айтган Янукович.

Суд жараёнининг биринчи кунида Олейникнинг ўзи даъвоси моҳиятини баён қилди, шунингдек Янукович ҳам чиқиш қилди. Даъво Москванинг Дорогомилов судида тингланмоқда.