15 декабрда Сурия президенти Башар Асад сурияликларни Ҳалабнинг озод этилиши билан табриклади. Асад жангариларнинг шаҳардан сиқиб чиқарилиши миллий армия ва Дамашқ иттифоқдошларининг саъй-ҳаракатлари эвазига мумкин бўлганини таъкидлаб ўтди. Асаднинг айтишича, Суриянинг ҳар бир фуқароси "бу тарихий ғалабага ўз ҳиссасини қўшган". 

"Ҳалаб аҳолисининг матонати, бутун Сурия халқининг матонати бу муваффақиятни таъминлади", деб айтган Асад.

Асаднинг таъкидлашича, энди Сурия ихтилофидаги воқеалар бориши ўзгаради.

Сурия армияси Россия ҳарбий-коинот кучлари ёрдамида Ҳалабдан жангариларни сиқиб чиқарди. Ҳукумат қўшинлари шаҳарнинг барча 105 даҳасини озод қилган.