Американинг General Motors (GM) автомобиль корпорацияси Мичиган штати йўлларида ўзи томонидан ишлаб чиқилган ҳайдовчисиз авто синови жараёнига киришмоқда. Бу ҳақда Associated Press (АP) агентлиги хабар берди.

Унинг маълумотларига кўра, GM бундай қарорга штат губернатори Рик Снайдер томонидан Мичигандаги умумий фойдаланишда бўлган йўлларда автоном транспорт воситалари синовини ўтказишга рухсат берувчи фармонга имзо чекилгач, келган.

Янги қонун ичида ҳайдовчи бўлмаган ва ғилдиракли рулсиз автоларни синовдан ўтказиш имконини беради. Бироқ General Motors’нинг хабар беришича, аввалига машиналарда хавфсизлик мақсадида киши бўлади, у керак бўлганда бошқарувни ўз қўлига олиши мумкин.

Компанияда таъкидланишича, Chevrolet Bolt автоном модделлари синови Уоррен шаҳрида ўтказилади. Кейинчалик Детройт жамоат кўчаларида фойдаланилиши мумкин.

GM’нинг аниқлик киритишича, Мичигандаги тажрибалар автони мураккаб об-ҳаво шароитларида ҳам синовдан ўтказиш имконини тақдим этади. Бу эса сенсорлар иши ва датчиклардаги носозликларни бартараф этишда кўмак беради.