Россия спортида яна допинг можароси: IBU 31 нафар биатлончини шубҳа остига олди

Спорт 16 Декабрь 2016 2895
Фото: rsport

Халқаро биатлончилар Кенгаши (IBU) президенти Андерс Бессеберг 2011 йилдан 2015 йилга қадар допинг қабул қилганликда гумон қилинган 31 нафар спортчининг рўйхати ташкилотга келиб тушганини маълум қилди.

Мазкур рўйхат Бутунжаҳон допингга қарши кураш мустақил комиссияси (WADA) раҳбари Ричард Макларен томонидан россиялик спортчиларнинг допинг билан боғлиқ муаммолари ҳақида берган иккинчи маърузасида эълон қилинган.

IBU Макларен маърузаси бўйича ишчи гуруҳ тузган ва чоралар кўрилиши бўйича мажлис чақирган.

«Шубҳа остига олинган бир қатор спортчилар аллақачон дисквалификация қилинган, баъзилари фаолиятини якунлаб улгурган. Аммо энг асосийси шубҳа остига олинганларнинг ичида ҳозирга қадар халқаро мусобақаларда иштирок этиб келаётганлари бор.

Ўйлашимча, биз бир ҳафта муддатда допинг қабул қилганлиги тасдиқланган спортчиларни вақтинчалик мусобақалардан четлатиш бўйича тавсияларимизни беришимиз керак бўлади», – деган Бессеберг.

Хабар қилинишича, вақтинчалик четлатиш жазоси қўлланилса, бу Жаҳон кубогининг Германиядаги Оберхоф шаҳрида бўлиб ўтадиган тўртинчи босқичидан амалда бўлади.

Шунингдек, IBUда ёшлар ўртасидаги жаҳон чемпионатини Островда ва Жаҳон кубоги босқичини Тюменда ўтказилиши бўйича қарорлар қайта кўриб чиқилиши мумкин. ЖЧ-2021 мусобақаларини Тюмень шаҳри қабул қилиши масаласи IBUнинг 2017 йилдаги конгрессида кўриб чиқилиши мумкин.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28560 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15287 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56401 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 1965 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1539 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 5776 Жамият
Германияда Трамп боши шаклидаги гиёҳванд моддали таблеткалар аниқланди
00:21 1538 Жаҳон
Сербия Ҳиндистон ва Эрон фуқаролари учун визани бекор қилди
00:18 1234 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1801 Жаҳон
Кўпроқ янгиликлар