Сурхондарё вилоятига янги ҳоким тайинланди

Ўзбекистон 16 Декабрь 2016 80715

Бугун Халқ депутатлари Сурхондарё вилоят кенгашининг навбатдан ташқари сессияси бўлиб ўтди. Унда Ўзбекистон Президенти Шавкат Мирзиёев иштирок этди. 

«Кун» манбаси маълум қилишича, сессияда шу кунгача Навоий вилояти ҳокими сифатида фаолият кўрсатиб келган Эркинжон Оқбўтаевич Турдимов Сурхондарё вилоятига янги ҳоким этиб тайинланди.

Ҳозирча Сурхондарё вилояти ҳокимлиги сайтида бу ҳақда маълумот йўқ.

2015 йил январида вилоят ҳокими этиб тайинланган Тожимурод Нормуродович Мамараимов вилоятнинг Қизириқ тумани раҳбарлигига ўтказилган.

Маълумот учун, жорий йилнинг 24 сентябрь куни Сурхондарё вилоятида беш туман ҳокими ишдан бўшатилган эди.

Эркинжон Оқбўтаевич Турдимов 1969 йили Самарқанд вилояти, Қўшработ туманида туғилган. 1991 йилда Тошкент халқ хўжалиги институтини тамомлаган. Мутахассислиги иқтисодчи. Ўзбекистон Республикаси Олий Мажлиси Сенати аъзоси. Оилали, уч нафар фарзанди бор.

Меҳнат фаолияти:

1991-1993 йй. - “Ўзсаноатқурилишбанки” Сирдарё филиали қарз режа бўлими мутахассиси, инвестиция қурилиш ва таъминот ташкилотларини молиялаштириш ва қарз бериш бўлими бош мутахассиси, пул муомаласи бўлими бошлиғи ўринбосари; 

1993-1995 йй. - “Ўзсаноатқурилишбанки” Зарафшон бўлими бошқарувчиси; 

1995-1996 йй. - Зарафшон шаҳар ҳокими ўринбосари;

1996-2000 йй. - Ташқи иқтисодий фаолият Миллий банкининг Навоий бўлими бошқарувчиси;

2000-2008 йй. - Хатирчи тумани ҳокими; 

2008-2008 йй. – Ўзбекистон Республикаси Қишлоқ ва сув хўжалиги вазирининг қишлоқда иқтисодий ислоҳотлар масалалари бўйича биринчи ўринбосари; 

2008 йилдан 2016 йилгача - Навоий вилояти ҳокими.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 17239 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69318 Жамият
Кун.uz офис изламоқда
15:48 / 06.08.2017 37572 Lifestyle
"Реал" Испания Суперкубоги соҳиби!
04:08 7581 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2797 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 3202 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар