Google, Apple ва Uber мусулмонлар қайд қилинувчи рўйхатнинг яратилишида иштирок этишдан бош тортди

Технология 17 Декабрь 2016 5833
Фото Getty Images

Google, Apple ва Uber компаниялари АҚШнинг янги президенти этиб сайланган Дональд Трамп яратилиши мумкинлигини айтган, мусулмонлар қайд қилинувчи рўйхатнинг яратилишида иштирок этмайдилар. Бу ҳақда Buzzfeed News маълум қилди.

Google вакили нашр билан суҳбатда уларга ҳеч ким бундай рўйхатни яратишда иштирок этишни таклиф қилмагани, бироқ агар шундай таклиф билдирилса ҳам, компания ўйлаб ўтирмасдан буни рад этишини айтган. Apple вакили ҳам шунга ўхшаш жавоб берган, бироқ компания ўзининг барча фойдаланувчиларига бирдек муносабатда эканлигини қўшимча қилган. Uber’да ҳам бундай хизматни яратишда иштирок этмасликлари айтилди.

Нашр, шунингдек, бу борада Amazon ва Oracle компаниялари фикрини билиш учун бу компанияларга сўров юборган, бироқ улардан жавоб олинмаган. 

Дональд Трамп АҚШда яшовчи барча мусулмонлар қайд қилинадиган рўйхатнинг яратилиши мумкинлигини айтган. Унинг айтишича, бу рўйхат АҚШдаги террорчилик фаоллигини назорат қилишга ёрдам беради.

2016 йил 13 декабрда АҚШнинг йирик технологик компанияларидаги 1,5 минг киши мусулмонлар қайд қилинадиган рўйхатнинг яратилишида ҳеч қачон иштирок этмасликларини айтишган. Google, Apple, Amazon, Uber ва Oracle компаниялари ходимлари ҳам бунга ўз норозиликларини билдирганлар. 

 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13764 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67864 Жамият
Кун.uz офис изламоқда
15:48 / 06.08.2017 37016 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 526 Жаҳон
Саакашвили Украинага қачон қайтишини маълум қилди 
01:15 1034 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 976 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар