Дональд Трамп Мишель Обаманинг у ҳақидаги сўзларига муносиб жавоб қайтарди 

Жаҳон 18 Декабрь 2016 14695
Фото: EPA

Дональд Трамп АҚШнинг Мобил шаҳридаги (Алабама штати) тарафдорлари олдида чиқиш қилиб, Мишель Обаманинг у ҳақидаги гапларига ўз муносабатини  билдирди. Гап шундаки, Барак Обаманинг рафиқаси республикачининг АҚШ президенти лавозимини эгаллаши Америка халқининг мамлакатдаги янгиланишларга бўлган умидларини чипакка чиқаришини айтганди. ТАСС агентлиги шу ҳақида хабар берди. 

"Кеча Мишель Обама умидлар чипакка чиққанини айтди. Тушунишимча, у келажак ҳақида эмас, ўтмиш ҳақида гапирди. Бизда эса, аксинча, катта умидлар ва улкан салоҳиятлар мавжуд. Биз мисли кўрилмаган буюк давлат бўламиз", - дея ишонч билан таъкидлади Трамп. 

"Сценарий ҳозирча ёзилмаган. Биз эртага тарихнинг қайси боби ўзгаришини билмаймиз. Бироқ узоқ йиллар давомида биринчи марта шуни аниқ биламизки, бу саҳифаларнинг ҳар бири сиз томонингиздан ёзилади", - дея ваъда берди республикачи ўн минглаб тарафдорларига юзланиб. 

"Яқинда турмуш ўртоғим Мелания билан Оқ уйда бўлдик. Президент ва унинг аёли биз билан жуда яхши муомала қилишди. Умид қиламанки, Мишель Обама бошқа нарсани назарда тутган ва шунчаки ўз фикрини нотўғри баён этган", - дея қўшимча қилди Трамп. 

Мишель Обама жума куни Опра Уинфрига берган интервьюсида Оқ уйга Трампнинг келиши Барак Обама даврида 8 йил давом этган "умидлар ва ўзгаришлар" даврига чек қўйишини айтган. "Ҳозир биз умидсизлик нима эканини ҳис қилмоқдамиз", - деган 44-давлат раҳбарининг турмуш ўртоғи. 

Кун янгиликлари
Дайжест: Президент Навоийда, яна бир миллат европалик бўлди, Парижда намойиш – Хитой ўйинда ва бошқа хабарлар
21:48 / 28.03.2017 3943 Жаҳон
Халқаро бухгалтерияни MERIT EDUCATION’да Фаридун Одилов билан ўрганинг
14:25 / 28.03.2017 4497 Жамият
Ўртоқлик учрашувлари. Нидерландия яна ютқазди. Португалия сенсацияга сабабчи бўлди
02:10 1905 Спорт
Россия қўшимча дақиқада киритилган гол эвазига Бельгия билан дуранг қайд этди
02:04 918 Спорт
3D-принтер ёрдамида 103 ёшли пойга автомобили тикланди
"GM Uzbekistan" сотилган автомобилларга хизмат кўрсатиш борасидаги саволларга жавоб бермоқда
Ўзбек ҳайдовчилари учун Афғонистон чегарасидан ўтиш қийинлаштирилди
01:16 2836 Жамият
Польша Европа Иттифоқи тезкор кучлари таркибидан чиқади
01:03 1040 Жаҳон
Индонезияда бедарак йўқолган йигит бўғма илон ичидан топилди
00:49 4123 Жаҳон
Чақмоқ ҳаракатланаётган машинага келиб урилди (видео)
00:28 2322 Жамият
Кўпроқ янгиликлар