«Спорт-Экспресс» допинг билан қўлга тушган Поветкин иштирокидаги жанг ҳақида ёзишдан бош тортди

Спорт 18 Декабрь 2016 4119

«Спорт-Экспресс» («СЭ») газетаси таҳририяти 17 декабрь куни ўтказилган россиялик боксчи Александр Поветкин ва франциялик Йоан Дюопнинг жанги ҳақида ёзмасликка қарор қилди. Бу ҳақда нашр сайтида хабар қолдирилган.

Журналистлар спортчининг қонида допинг топилганидан қаттиқ дарғазаб бўлишган. Улар ушбу спортчи «ҳеч нарса бўлмагандек» бошқа рақибга қарши яна рингга кўтарилганидан ҳайрон қолишган.

«Профессионал боксда "бундай вазиятлар учун оқловчи қоидалар" бўлмаслиги керак. Допинг қабул қилингани бўйича далил бор. У ҳатто бизнинг боксчи бўлса ҳам, қоида бузилишини оқлаб бўлмайди», — дейилган «СЭ» баёнотида.

Шунингдек, «допинг қабул қилган россиялик спортчиларни қаҳрамонларга тенглаштираётганлар» қораланган.

«Допинг билан қўлга тушган спортчи рингга чиқиш — бутун дунёга Россияда тоза спортга шунчаки тупуриб қўйилганини намойиш этишдир. "СЭ" бунга қарши. Биз бу спортчи ҳақида ёзмаймиз», — дейилган эълонда.

17 декабрь куни Александр Поветкиннинг Бутунжаҳон бокс кенгаши (WBC) камари учун канадалик Бермейн Стивернга қарши ўтказиши керак бўлган жанги олдидан топширган допинг намунасида тақиқланган модда (остарин) аниқланди. Бу ҳақда жанг бошланишига 1 соат вақт қолганида маълум бўлди. Стиверн жангга чиқишдан бош тортди ва жанг бекор қилинди.

Шу куни Поветкин барибир рингга чиқди ва француз Йоан Дюопни 10 раундлик жангнинг олтинчи раундида нокаутга учратди. Бу жангда ҳеч қандай соврин ўйналмади.

Поветкин бу йил бир марта допинг билан қўлга тушган эди. 2016 йил 13 май куни боксчининг намуналаридан мельдоний моддаси топилган эди. Шу сабабли йилнинг энг кутилган жанги — Поветкиннинг америкалик Деонтей Уайлдер билан тўқнашув йўққа чиққан. Россиялик спортчининг вакиллари Поветкин ҳақиқатан ҳам бу дори воситасини қабул қилгани, бироқ мельдоний тақиқланган моддалар рўйхатига киритилишидан бир неча ой аввал бу препаратдан фойдаланишни тўхтатганини билдирган эди. Ўшанда боксчини дисквалификация қилмаслик қарорига келинган, бироқ унинг Уайлдер билан жанги бекор қилинган эди.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 12201 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 66847 Жамият
Кун.uz офис изламоқда
15:48 / 06.08.2017 36872 Lifestyle
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 326 Иқтисодиёт
Германияда жўнатмалар ўз эгаларига Ford электр фургонларида етказилади
23:50 / 16.08.2017 241 Технология
Президент таълим тизимидаги ислоҳотларнинг бориши бўйича мажлис ўтказди
23:49 / 16.08.2017 2559 Ўзбекистон
АҚШнинг собиқ президентлари Шарлоттсвилл воқеаларига муносабат билдиришди
23:46 / 16.08.2017 699 Жаҳон
Туркия Германиядан FETÖ раҳбарларидан бирининг топширилишини талаб қилмоқда
23:42 / 16.08.2017 418 Жаҳон
Ўзбекистон ва Қирғизистон чегараси ҳудудидаги зиддиятлар камаяди
23:40 / 16.08.2017 1394 Ўзбекистон
Кўпроқ янгиликлар