Тошкент Молия институтида “Бизнесда маркетингнинг ўрни” мавзусида мастер-класс ўтказилди

Жамият 18 Декабрь 2016 3559

Ўзбекистон давлат жаҳон тиллари университети қошида 2015 йил 23 октябрда ташкил этилган GDC-Girls development club қизларни ҳар томонлама ривожлантириш клубида университетдан ташқаридаги илк учрашув ўтказилди. 

Бу мастер-класс “Бизнесда маркетингнинг ўрни” деб номланиб, Тошкент Молия институтида бўлиб ўтди. Мастер-классда Жаҳон тиллари университети, Тошкент Молия институти ва Жаҳон Иқтисодиёти ва Дипломатия университетининг талаба қизлари, академик лицей ўқувчилари ва уй бекалари, жами 40 нафар хотин-қизлар иштирок этди.

Тадбирни “GDC-Girls development club” клуби асосчиси, Ўзбекистон Давлат Жаҳон тиллари университети талабаси Гавҳар Сагдуллаева очиб берди ва клубнинг бир йиллик фаолияти давомида амалга оширилган ишларнинг тақдимотини ўтказди. 

Шундан сўнг спикер сифатида таклиф этилган муваффақиятли тадбиркор аёл- “Fiori Flowers” гуллар дўкони бошқарувчиси, уч фарзанднинг онаси Нодира Воҳидовага сўз берилди. Меҳмон тренер ўзининг бизнес ва оилани бирдек омадли уддалаш кўникмаларини иштирокчилар билан ўртоқлашди. 

“Ҳар бир қизга ёшлигидаёқ молиявий таъминот ўргатилиши керак. Молиявий билимга эга бўлсангиз, ҳар қандай бизнесда омадга эришиш мумкин. Энг асосийси-ходимларни тўғри танлай билиш, тайм-менеджментга риоя қилиш, инсоний сифатларга ҳам муҳим эътибор қаратиш керак, -деб нутқини бошлади Нодира Воҳидова. 

“Қандай бизнес очиш мумкин”,-деган саволга спикер “Бизнес аввало инсонлар муаммосига ечим бўла олиши керак. Имкон қадар бошқалар хаёлига келмаган оригинал ғояларни амалга ошириш керак. Бизнесга фарзандга ғамхўрлик қилгандек аҳамият бериб, икки-уч йил давомида бор куч ва энергиянгизни унга сарфласангиз, уни бошламасдан олдиноқ мукаммал дастур ишлаб чиқсангиз, албатта муваффақиятга эришасиз. Қолаверса бизнинг давлатимизда яхши ғояларга сармоя тикувчи инвесторлар кўплаб топилади. Шунингдек кредит тизими яхши йўлга қўйилан бўлиб, бунинг ёрдамида ҳар қандай бизнес-ғояни амалга ошириш мумкин. Фақат мотивация бўлса етарли”, дея жавоб берди.

Учрашув сўнгида қизлар билан савол-жавоб ва муҳокама қисми ўтказилди. Иштирокчилар Girls development clubга аъзо ва координатор бўлиш тизими билан танишиб, ўз таклифларини билдириб ўтдилар. 
Мастер-класс ЎзЛиДеп билан ҳамкорликда ташкил қилинди.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95817 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46576 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51735 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9347 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20141 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 359 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 167 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 722 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 931 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 564 Жаҳон
Кўпроқ янгиликлар