Ўзбекистонлик Шерзод Тошматов Осиё бокс конфедерацияси вице-президенти этиб сайланди

Спорт 18 Декабрь 2016 10335

Бирлашган Араб Амирликларининг Абу Даби шаҳрида Осиё қитъасида  боксни ривожлантиришга масъул ташкилот - Осиё бокс конфедерацияси Ижроия қўмитасининг йиғилиши бўлиб ўтмоқда. 

Ушбу муҳим тадбир кун тартибидан Осиё бокс конфедерацияси раҳбар лавозимларига номзодларни сайлаш, Ижроия қўмитасига янги аъзоларни тайинлаш, ташкилотнинг 2015-2016 йиллардаги фаолияти, 2017 йилги спорт мавсумида қитъа миқёсидаги мусобақаларни ташкил қилиш, молиявий масалаларни кўриб чиқиш каби қатор мавзулар ўрин олди. 

Ушбу йиғилишда Ўзбекистон бокс федерацияси раисининг биринчи ўринбосари Шерзод Тошматов Осиё бокс конфедерацияси вице-президенти этиб сайланди ва шунингдек, Ижроия қўмитаси аъзолигига қабул қилинди. 

Осиё бокс конфедерацияси Ижроқўми йиғилишида иштирок этган раҳбар ходимлар 19-20 декабрь кунлари Швейцариянинг Лозанна шаҳрида бўладиган Халқаро ҳаваскор боксчилар ассоциацияси – AIBA Ижроия қўмитаси йиғилишида ҳам иштирок этишади. 

Халқаро ҳаваскор боксчилар ассоциацияси яқинда Twitter ижтимоий тармоғи орқали йилнинг энг яхши боксчисини аниқлаш мақсадида сўровнома эълон қилган эди. Унда ўзбекистонлик боксчи, Рио Олимпиадаси чемпиони Ҳасанбой Дўсматов ушбу Олимпия ўйинлари ғолиблари – кубалик Робейси Рамирес ва қозоғистонлик Дониёр Елеуссиновни катта фарқ билан ортда қолдириб, 2016 йил якунларига кўра "Энг яхши боксчи" деб топилганди.

AIBA тадбири доирасида Ҳасанбой Дўсматов шу унвон билан тақдирланиши кутилмоқда. 

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 32081 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 17865 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 69325 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 58414 Жамият
Тошкент ва Душанбе ўртасидаги парвозлар жадвали ўзгарди
Комилов Ҳиндистон вице-президенти билан музокарада. Икки давлат ўртасида товар айирбошлаш ҳажми оширилади
Журналист ЎФФ матбуот хизматини ёлғончиликда айблади
12:20 5067 Спорт
Тошкентдаги Mobicon 2017’да Google, Яндекс, Одноклассники ва UFOX вакиллари чиқиш қилади
Электр энергиясининг намунали истеъмолчилари рағбатлантирилади
Трамп АҚШ ҳукуматини ёпиш билан таҳдид қилди
10:50 10476 Жаҳон
Кўпроқ янгиликлар