Россиянинг Анқарадаги элчиси Андрей Карловга қуролли ҳужум Россия-Туркия муносабатларига путур етказиш мақсадида амалга оширилган, деб айтди Анқара мэри Мелих Гёкчёк.

Карлов олинган жароҳатлардан вафот этди.

"Шубҳасиз, бу суиқасд Россия ва Туркия ўртасидаги муносабатларни бузишга қаратилган бўлган", деб айтди Гёкчек NTV телеканали эфирида.

Россия Ташқи ишлар вазирлиги Карлов қуролли ҳужум оқибатида ҳалок бўлганини тасдиқлаган. 

Телеканалнинг маълум қилишича, тез ёрдам машинаси Карловни шифохонага олиб кетган. Унга юрак массажи ва сунъий нафас бериш муолажалари қўлланган.  

Маълумотларга кўра, Карловга ҳужум фотокўргазма очилиши вақтида содир этилган. Ҳужум оқибатида 3 киши яраланган. Элчи кўргазма очилиши муносабати билан нутқ сўзлаётганда ўққа тутилган. 

Гувоҳларнинг айтишича, террорчи кўргазма ўтказилаётган бинога галстук ва костюмда кириб келган ва элчининг қўриқчиси деб қабул қилинган. Полиция операцияси натижасида қотил йўқ қилинган.